businessdynamics yng Nghymru |
Cefnogaeth gan |
|
Mae un o bob tri person ifanc sy'n gadael ysgol neu goleg yn credu nad yw eu haddysg wedi eu paratoi ar gyfer byd gwaith. Mae rhaglenni businessdynamics yn anelu at fynd i'r afael â hyn drwy ddod â gwirfoddolwyr o fusnesau lleol i mewn i'r ystafell ddosbarth. Mae ein rhaglenni yn rhyngweithiol, yn heriol ac yn hwyl. Fe'u datblygir law yn llaw gydag ysgolion a cholegau ac maent yn cyflenwi'r cwricwlwm ac yn cael eu cefnogi gan nifer o brif gwmnïau Prydain.
Bydd cefnogaeth Legal & General a chefnogaeth barhaus gan Gyrfa Cymru yn sicrhau y bydd dros 5,000 o fyfyrwyr rhwng 14 a 19 mlwydd oed o bob cwr o Gymru yn elwa yn sgîl rhaglenni businessdynamics eleni. Mae Legal & General yn gobeithio y bydd eu cyfranogiad gyda businessdynamics yn dangos i fusnesau eraill yng Nghymru bwysigrwydd addysgu pobl ifanc am y llu cyfleon sydd ar gael iddynt parthed eu gyrfa. Meddai David Prosser, Prif Weithredwr Grŵp Legal & General, “Mae Legal & General yng Nghymru wedi tyfu cryn lawer ers i ni agor ein swyddfa yng Nghaerdydd ym 1997 ac erbyn hyn mae gennym gyfleon amrywiol iawn sy'n galw am wahanol sgiliau. Mae llawer o bobl ifanc nad ydynt yn deall bod cymaint o gyfleon gyrfa gwahanol ar gael iddynt yng Nghymru ac rydym yn hapus i gefnogi businessdynamics wrth godi lefel yr ymwybyddiaeth."
Bydd Legal & General, fel prif noddwyr, yn darparu platfform hanfodol y gall businessdynamics ei ddefnyddio er mwyn anelu at ddyblu eu gweithgaredd gan alluogi miloedd yn fwy o fyfyrwyr yng Nghymru i elwa. Mae businessdynamics yn gweithredu ym mhob ardal yng Nghymru a gellir cyflwyno rhaglenni yn Gymraeg os gofynnir amdanynt. Mae rhaglenni businessdynamics yn cynnwys:
e-business Programme (Rhaglen e-fusnes): Codi ymwybyddiaeth o'r e-farchnadfa a'u darparu gyda'r sgiliau angenrheidiol i fod yn effeithlon.
Business Awareness (Ymwybyddiaeth Busnes) (BA): Amrywiaeth o seminarau sy'n cynnwys dylunio, cyllid, adnoddau dynol, marchnata, technoleg gwybodaeth a chynhyrchu.
Key Skills at Work (Sgiliau Allweddol yn y Gwaith) (KSW): Rhaglenni sydd wedi eu dylunio i wella rhifedd, gweithio fel tîm, datrys problemau a chyfathrebu.
Young Offenders (Troseddwyr Ifanc): Defnyddio gwaith i dorri'r cylch troseddu.
Special Needs (Anghenion arbennig): Ymwybyddiaeth busnes ar gyfer myfyrwyr sydd â nam ar eu clyw neu eu golwg.
Am ragor o wybodaeth am raglenni businessdynamics yng Nghymru, cysylltwch ag Ian Thompstone ar iant@businessdynamics.org.uk.
|
